Историја на радиостаниците и телевизиите во Куманово

Радио-телевизија Куманово

Општинската радиостаница „Радио Куманово” емитува од 15.04.1964 г. програми на македонски, албански, ромски и влашки јазик. На 9 декември 2006 г. локалниот јавен радиодифузен сервис Радио-телевизија Куманово, кој е во процес на трансформација од јавен сервис во трговско друштво, прекина со работа.
Фреквенции: 89.00 МХц УКБ (20 W), 92.50 (250 W) УКБ, 945 КХц СБ (2 kW), ТВ канали 24 и 55.

Радио Тумба
Радиостаницата "Тумба" емитува во Куманово од 1998 до 2002 г. Фреквенции: 103.00 МХц.
На 8 август 2002 г., во 14,55 часот, инспектори од Управата за телекомуникации во полициска придружба упаднале во просториите на кумановското Радио Тумба и ја заплениле опремата на радиостаницата. Во Управата за телекомуникации велат дека опремата била одземена бидејќи радиото нема концесија за работа. Зоран Божиновски, главен и одговорен уредник во радиото, пак, вели дека концесијата била незаконски одземена само поради неплаќање на последната рата. "Радио Тумба не е затворено поради неплатена концесија за емитување програма, како што тврдат во Советот за радиодифузија, туку поради партиски интереси на актуелната власт, обвинуваат вработените во кумановската радиостаница".