Предавател България Предавател Македонија Predavatel România Predavatel Europa

 
 
ТВ емитување ТВ канал предавател, моќност, (подробности)
Битола  60 Брусник
Куманово  60 Стари Лозја
Охрид  56 Гореничка чука
Скопје  43 Средно Водно
Скопје  46 Гази Баба
Страцин  62 Страцин
Теново  50 Сува гора, (за Тетово и Гостивар)
Тополчани  51 Тополчани
Интернет емитување формат
Гледаj вести од Телевизија Телма Real Media Video 34 kbps
За Телевизија Телма



    Телевизија Телма е основана во септември 1996 година. Нејзин основач и сопственик е Макпетрол А.Д. - Скопје. Телевизија Телма е една од петте телевизии кои, на конкурсот на Владата на Република Македонија во 1998 година, добија концесија за седумгодишно емитување на програма на подрачјето на град Скопје. Развојниот план на ТВ Телма предвидува нејзиниот сигнал наскоро да го покрива целото подрачје на Република Македонија.

    Вo ТВ Телма моменто се ангажирани над 100 вработени и голем број надворешни соработници - телевизиски творци од сите области. Ним на располагање им стојат две студија (од 60 и од 250 метри квадратни) и најсовремена дигитална телевизиска техника.

    Секој ден Телевизија Телма емитува програма во траење од 18 до 20 часови. Програмската шема ја сочинуваат три заокружени целини: информативната, забавно-рекреативната и културно-уметничката и документарна програма.

    ТВ Телма се развива како урбана телевизија со високи професионални критериуми и естетски норми. Сите ние во Телма љубоморно ја чуваме нашата независна позиција и вложуваме максимални напори секогаш да бидеме на врвот и секогаш да бидеме поинакви од другите. Ви благодариме на довербата.

    Основен белег на информативната програма, но и на Телевизија Телма во целина ја даваат Вестите што се емитуваат секој ден од 18:30 и 21:40 часот. Во рамките на информативната програма еднаш неделно се подготвува и актуелно интервју во рамките на емисијата "Агол", а се подготвуваат и други информативно-политички емисии од магазински тип: "Време", "Баланси", "Досие", "Светот денес" и други.

    Забавно-рекреативната и контактна програма го подготвува петчасовниот семеен магазин "Пакет за сабота", како и неделните емисии "Не лути се човече", "Во огледалаа", квизот "Тоа сум јас", "Планета 7", "Град Т" и други.

    Основен белег на културно-уметничката и документарна програма ја даваат редовните "Телма репортажа", "Созвездија", "Мојот пат", "Класика", "Телма блуз" и други.

    Имиџот на спортската програма на ТВ Телма го чинат ексклузивните директни преноси од Италијанското фудбалско првенство, како и преносите од европскиот Финал Фоур во кошарка и од финалето на американскиот Стенли куп во хокеј на мраз.

Скопје , улица Никола Парапунов б.б., комплекс Макотекс
телефон: (+389) 02/ 3076 677, 3066 653
телефон/факс: (+389) 02/ 3070 040
e-mail: telma@unet.com.mk
web-site: www.telma.com.mk




Гласај за Predavatel.com